قــصه عربجيــه .. لآتفوتكم روعه

هذي قصه (خالد ومها)...واقروها تراها حلوة مره ....(مها)<<عربجيه...
و(خالد)ولد خالتها ..


الام: مهاوووووي مهاوووووي وين هالبنت
مها: نعم خير........ وش تبين ..... بسرعه فكيني وراي لعب دوري بعد شوي


الام: اعقلي شوي ماوراك الا هالكوره يا بنت روحي عدلي شعرك وحطي شوية مكياج ..بيجون حريم بعد شوي يسلمون على جدتك وابيك تسلمين عليهم


مها: ليش ؟


الام: خلي الناس تشوفك ودي الناس تصدق ان عندي بنت ثانيه.. عمرهم ما شافوك!!


مها : اقوول ما عندك سالفه خليني اروح اكمل لعب ليكون بس راح دوري


الام: الله يهديك


الخاله : اقول بنتك ما راح تتوب من هالصيااعه



الام : ما ظــــنتي


خالد : اقول خالتي وش رايك ندخل مها في نادي الهلال..ترى يمكن يقبلونها


الام : تستضرف دمك حضرتك هي بس فترة المراهقه.. بعدين بتشوف وشلون بتصير بنتي احلى من كل البنات


خالد: يوووه خالتي انتي لا الحين عندك امل انها بنت!!!! هذي وحده من الربع ....صرخه وحده تهرب حي




الام : خلووود بتسكت ولا اصنك على عينك





خالد: هاه لالا خلاص ابي انطم



(تدخل مها بعد ما سمعت الكلام الي بين امها وخالد)


مها : كأني سمعت أحد يتكلم عني ؟؟؟؟؟؟؟


خالد: ما فيك شيء تخبلين من دلالك


مها : تطنز حضرتك انت وهالوجه بتروح ولا اسويلك شوارع في وجهك


خالد : والله حرام تكونين بنت


( بعد كم يوم مها واختها ريم وبنت خالتهم خوله <اخت خالد> ..قاعدين يسولفون )


خوله: اليوم شفت واحد في السوق ياخذ العقل اسمر وطويل... فديته يهبل


ريم : خولوه انتي كل الناس عندك ياخذون العقل انا ما يعجبني اي احد


مها : تصدقون سوالفكم تقهر ما عندكم غير هذاك اسمر.. وهذاك طيب.. وحبوب. وهذاك وهذاك تكلمو بشي يحمس كورة مصارعه سيارات لوعتو كبدي





خوله:طيب طيب


ريم : اي والله خوله شفتي هذيك السياره لاعبين فيها تصدقين مركبين لها
اشياء مررره حلوه ههههههههههههههه


خوله : اقول مها محد مصدق انك بنت كل الناس تفكرك ولد
من هذي الحركات


مها : وشو قصدك اني مسترجله مثلا ؟


خوله : لا حشا والحشا عن ألف يمين انتي مسترجله ابد مين قال اصلا انتي مو مسترجله انتي بنوته ودلوعه بعد


مها : تستهبلييييييييين


خوله : اتحداك يوم واحد تفكين شعرك وتلبسين تنورة وتحطين مكياج وتتكلمين بهدوء


ريم : اي وبعد يوم تجلسين تحطين رجل على رجل مو تتربعين على الكنب


مها : تتحدوني يعني ؟


ريم : ما اظنك قد هذا التحدي ابد


مها: بتشوفون بكره



( صباح الجمعه الغدا في بيت جدتهم تدخل مها وامها وريم مها لا بسه تنورة فاكه شعرها ومستشورته ورافعته بنظاره و حاطه مكياج ولابسه كعب )



خوله : ماااااااااا اصدق أحد يقرصني


ريم : اسكتي انا ما عرفتها اول ما شفتها


خالد: مين هذي؟؟؟؟؟؟؟


خوله: هذي مها يا الأعمى


مها ترد بدلع : ياي وش فيكم....... وش صاير


خالد : مها وش بلاه صوتك ؟؟؟؟؟؟ انتي مريضه


مها : هاهاهاهاه حلوه هاهاهاهاه


خالد: غريبببببه تردين بضحكه ؟؟؟ العاده ببقس ولا بكف ؟؟؟؟؟


خوله: انا قلت أحد يقرصني


ريم : ترا والله ما احسها اختي


الام : عسا دوم يا رب ..قولو ماشاء الله لا تضربونها بعين....


( بعد شهر على هذي الحال شعر ومكياج و رقه )


مها : اقول ريم ترا انا طفشت من ها الحاله احس ان شكلي غلط


ريم : تبين الصدق شكلك كذه احسن حتى الحريم قامو يتكلمون عنك


مها : وش يقولون عني.... قولي لي علشان اروح اوريهم


ريم : غبيه غبيه محد حش فيك اقول يتكلمون عنك يعني يبون يخطبونك يعني يقولون انك حلوه


مها :!!!! والله اني مو سهله


ريم : اقولك شيء بس قولي والله ماتبقسيني وتسوين جريمه


مها: والله ما اسوي شيء بس قولي


ريم : خالد قال لخوله انه يبي يخطبك


مها : وش ههههههههههههههه خالد وش هذا مو صاحي صدق اللعبه ههههههههههههههههههههههههههه


ريم : اي لعبه


مها : شكلي لعبه انا احس اني في مسرحيه


ريم : وش امزح معك انا..... ...انا اقولك الرجال يتكلم صدق


مها : يعني وشو


ريم : يعني يحبك


مها : حبته الدود والعقارب السود قولي آمين


ريم :اقولك يحبك تقومين تدعين عليه هذا بدل ما تقولين يا حليله


مها : وش يحليله يعني وش تبيني اسوي اناقز فوق الطاوله واقول يحبني هيـــــــــه يحبني هيـــــــه


ريم : انا ما قلت كذه انا بس اقول فكري في الموضوع بجديه شوي يعني هذا الشيء حطيه في بالك هواذا فيه واحد حبك او حطك في باله فكري فيه شوي اوعطيه وجهه شوي


مها : يعني اذا رقمني أحد اكلمه


ريم : وش تمزحين انتي وخشتك انا اقولك تحبين ما قلت لك صيعي يعني حبيه شعور داخلك شعوور تحسين فيه


مها : انا احب انتي مو صاحيه ما حبيتك انتي وامي عشان احب واحد ههههههههههههههه امزح ترا والله احبكم


ريم : انا اتكلم جد ما امزح....انتي متى بتتغيرين؟ يعني انتي الحين بثالث ثانوي... و صاقطه سنتين


مها : تطنزين علي عشاني راسبه لي كم سنه عادي اصلا الرسوب دليل المثابره فيني .....وحده ثانيه يأست وتركت الدراسه


ريم : انا بس اقولك فكري بالموضوع وانتي بكيفك


( بعد كم يوم في بيت الجد مها منسدحه تطالع التلفزيون)


خالد : احم


مها وهي تعدل جلستها : ادخل وشو فيك مستحي ؟


خالد: لا بس اكح


مها : سلامتك من الكحه


خالد: الله يسلمك......... هاه وشخبارك مع الدراسه ماشيه ابغاك تنجحين عاد هذي السنه


مها : وانت وش دخلك انا اللي بمتحن ولا انت


خالد: لا بس خاطري تنجحين هاذي السنه يعني وضعك مو عاجبني


مها : ليش انت امي وانا ما ادري


خالد : مولازم اكون امك عشان اهتم فيك بس انتي تهميني


مها : انا اهمك ... اي صح مو انا بنت خالتك


خالد: لا مو عشان كذه ....مها ليش انتي مو حاسه فيني؟؟


مها : كيف مو حاسه فيك تراني اكلمك وانت بالغرفه وتكلمني كيف ما احس فيك لو انك ساكت كان قلت مو حاسه فيك


خالد : هذا طبعك ما راح تغيرينه


مها :وش فيك زعلت يادلوع ماما؟


خالد: الله يهديك ويكملك بعقلك ...أترخص


مها : ويه زعل .....تعال خلوود وييييييييه تعال امزح معاك


( في نفس اليوم بالليل قالت مها لريم الي صار مع خالد)


ريم : غبيه انتي غبيه !!؟؟!!؟


مها : ليش وش سويت ؟


ريم : حرام عليك يقولك مو حاسه فيني قصده مو حاسه بحبي


مها : انا ادري ان قصده كذه بس وش تبيني اقوله وانا بعد احبك.. استحيت وشو ارد عليه قمت استهبلت


ريم : والله حرام عليك حطمتيه اتحداك الحين ان حتى يفكر انه يحبك حرام عليك احسه كرهك من قلبه قال هاذي هبله وبتقعد هبله ولا حتى تفكر فيني ولا تحبني




مها (ترد وهي تصيح ): حرام عليك لا تقولين لي كذه انا ما كان قصدي اسوي فيه كذه



ريم : مها تصيح الله اكبر..الله اكبر... وانا وشو سويت لك... اول مره اشوفك تصيحين وش فيك


مها:وشو انا انسان ما اصيح مثل باقي الناس


ريم : اسفه بس وشو فيك


مها : انا احبببببه ما تفهمين انا احبه


( بعد اللي صار في بيت جد مها قاعده بالحديقه لوحدها يمر خالد بيطلع من البيت )


مها : خلووووودي


خالد : هلا مها اسمحيلي مستعجل شوي


مها: بس ابغاك بشيء ضروري


خالد: آمري وشو فيك في مشكله خوفتيني وشو فيه


مها : لا ولا شيء بس كنت ابغى اسألك زعلت مني هذاك اليوم ؟


خالد: اي يوم؟


مها: يوم قعدنا نتكلم في الصاله وانت زعلت وطلعت


خالد يرد وهو محرج : ما اذكر يوم مثل كذه اسمحيلي انا مستعجل


مها : تذكر يوم قعدت تقول اني مو حاسه فيك انا كنت ابغى اقول.......


خالد: وشو بتقولين ؟


مها :كنت ابغى اقول ...... تراني حاسه فيك وترا العكس انت ألي مو حاس فيني


خالد: ههههههههههههههههههههههههه يا الهبله وحارقه اعصابي ليش ؟



مها وجها أحمر : لا تضحك لا تضحك .... استحيي


خالد:هههههههههههههههههههه وجهك احمر اقول متى تبين الملكه اليوم بكره السبت ولا العرس.... بسرعه حددي قرري؟


مها : وشو عرس وشو اقرر قول لأمي وهي تقرر اخاف تطلع مو من مستوانا


خالد : رجعنا للهبل بس اعقلي شوي


( مرت ثلاث شهور وصارو مخطوبين لبعض خالد يتصل في مها )


خالد : الو مهااوي قلبي


مها : هلا حبيبي شخبارك ؟


خالد : كشخه حبيبي .. اقولك مهااوي عندي لك شيء بيفرحك... اعرفك


تحبين هذي الاشياء اليوم بنروح ويا الشباب في تحدي يخلون السياره تمشي على كفرين


مها : وانت معاهم؟؟؟؟؟


خالد : لا باخذك وبنروح نشوفهم


مها : الله كشخه متى بتجي؟


خالد : نص ساعه و انا عندك


( بعد ما راحو وهم يتفرجون )


خالد: ها وش رايك مستانسه ؟


مها : الله كشخه وناسه اللي يشوفهم مايقول ان هذولا شلتك


خالد: يا سلام وشو تشوفين انهم احسن مني اللحين اوريك



ينزل خالد من السيارة ويركب سيارة واحد من اصدقائه وبعدين داربالسياره وعقب ماخلص بغا يستعرض في السياره




واسرع ولما سوى ترن مار ينفجر الكفروانقلبت السياره اكثر من ثلاث قلبات ويضرب راسه في الشارع ويتجمعون كل الشباب عليه وتنزل مها من السيارة الي واقفه بعيد




وتركض لين ما وصلت المكان الي هم فيه بس يوم وصلت


واحد من اصدقائه يقول للثاني : لا حول ولا قوة الا بالله ان لله وانا اليه
راجعون


مها وهي تصرخ : لا مو مستحيل مو معقول انا السببب لا ..لا..لا...انا السبب مستحيل ..انا السبب .....كله بسسبي




يرد عليها واحد من اصدقاءه : اخر كلمه كان يقولها مها..مها..مهاا


( مها لما سمعت هذا الكلام طاحت واغمى عليها)


( بعد ثلاثة ايام ومها في غيبوبه فتحت عينها وتشوف امها وريم قدامها )


مها وهي تصرخ : وين خالد خلودي وينه وش صار فيه


الام تصيح : هدي يا بنتي هذا قضاءالله وقدره هذاك كان يومه


مها : لا لا ما يصير لا ما يقدر يموت لا كان قدامي انا الي خليته يروح يركب السيارة مات قدام عيني شفته بعيني الحادث اللي صار ما يقدر يموت ويخليني لااااااااااااااااااااا


خالد مات بس مها مو السبب في موته بس هي لا الحين تحس انها السبب وهي لا الحين تحبه علشان هو كان اول واحد حبته في حيااتها وبعدين فقدتته



القصه حقيقيه صارت قبل سنتين في الدمااام<<<


النـــــــهايه

منقووووول

ياحيااااااااتي والله احس نفسي بصيييح اخااف الى سار لها يسير معااي

مشكووورة حبيبتي على القصة عن جد روووعة

ح ــبيبتــي دلـع تفــآءلوا بالــخ ــير تــج ــدوه ــ..
..
تسلمــــين علـــى المــــرور المعــــطر بعطـــر

}} مـــــآريــــنآآآآ}