قصيدة :كل يوم

جواندالين الجمعة أبريل 02, 2010 2:11 am

كـل يـوم تبعـد لـك عـن القلـب ميليـن
وكــل يــوم وتـزيـد التعـاسـة تعـاسـة

وكل يـوم و أعاملـك باللطـف والليـن
و وأنــتَ تعاملـنـي بعـنـف و نحـاسـة

وكل يـوم وأنـت تعكـر المـاء بالطيـن
والمشكلة ! نشرب سوى من نجاسة

وكل يوم و أزرع لك شجر بالبساتين
أزرع ! وحطابـك يـجـي مـعـه فـاسـه

وكل يوم و أشري لك أمل لـو بالديـن
وتوطى الأمل مـن قـو قلبـك و باسـه

وكـل يـوم و أنـت تقـول بزيـن بعديـن
وبعـديـن ! عـيـا لا يـجـيـب الـونـاسـة

وكـل يـوم تثبـت بالحجـج والبراهـيـن
إنـك خطـا عمـري و أصــل انتكـاسـة

مدري الخلل من أصل تركيبة الجيـن
وإلا .. بـفـعـل الـتـربـيـة والــدراســة

حيرتنـي بالـحـب و أسلـوبـك الشـيـن
وشلون تجمع بين حـب و شراسـة ؟

لو أنت صـادق جيـت بأسلـوك الزيـن
و ضحيت مـن أجلـي بوقتـك و ناسـه

مثلـي أنـا ضحـيـت بـالـروح والعـيـن
وبدمعـتـي و أشـيــاء أكـثــر نـفـاسـة

عجـزت أعــدل وضعـنـا بينـنـا البـيـن
مــا فـادنـي فـكــري وقـــو الـفـراسـة

خـلاص يكفـي عتـاب أرجـوك تكفيـن
مــا عــاد فيـنـي حـيـل لأيــة سيـاسـة

تعبـاان أبغـى أرتـاح لـو بـس يوميـن
وأشرب من أنهار السعد نص كاسـة

برمي سلاحي وأنسحب عنك هالحين
متـنـازلٍ عـــن حـبـنـا مـــن أسـاســه

اعتـبـري إنــي حـلـم باللـيـل شفـتـيـن
وفي عز حلمك .. مذن الفجـر حاسـه

فيــــــــــــديـــــــــــــــــــو

للاستماع

ملاك الاحزان ع/و الجمعة أبريل 02, 2010 2:15 am

شكرا جوجو روووووووعه

جواندالين الجمعة أبريل 02, 2010 2:56 am

قصيدة :كل يوم

قصيدة :كل يوم

رد: قصيدة :كل يوم

رد"