سؤال يرفع الضغط

rOmYoOo الأحد يونيو 26, 2011 4:07 am

السلام عليكم ورحمة الله وبركاته
أنت بغرفتك منسدح بالسرير ومطفي النور ومتلحف بالبطانيه..
يجي أحد أخوانك ويفتح الباب عليك ويقول : انته حتنام !!!

(( لا أبرقص على آه ونص :d ,, أكيد أبنام ))

# أنتم معزومين عند ناس ورحتو لبيتهم وأول ما فتحوا الباب لكم : قال ولدهم " جيتــوا " !!!!!

(( لا رحنـــا ,, أكيد جينا وأنت وش تشوف ))

# والعكس : أنت لابس ثوبك وكاشخ ومشخّص بالشماغ وماشي بالبيت متجه لباب الشارع ,, يجي أحد من أهلك وينادي بصوت عالي : هاه انته خارج !!!!

(( لا أبدخل ,, أيه أبطلع ))

# أو مثلا راكب الدباب او السياره وشغلت الموتر شوي وتدوس على البنزين يطلع لك واحد ويطق على القزاز ,, أنت بكل ذوق تفتح القزازه وتقوله : آمر يالحبيب ؟
يقولك : تبي تمشي !!!

(( لا أبفحط وأسوي خمسات .... أكيد أنا ماشي ))

# عزيزتي الفتاة مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك والغشمرة ورحتي عند الباب تلبسين عبايتك ...
تجي وحده ملقوفه من البنات وتقولك :فلانه مشيتي تبين تطلعين للبيت !!!!

(( لا أبطلع برا أشم هواء,, أكيد أبروح لـ بيتنا من زين الكليه ))

# مثلا ماسك سماعه التلفون وقاعد تضغط بالارقام يجي أحد من أهلك ويقولك : تبي تكلم بالتلفون !!!!
(( لا أبتفرج عليه ,, أكيد أبكلم ))

# ماسك مذكرة أو كتاب وقاعد تحفظ ومتحمس .. جاء أحد وقالك : قاعد تذاكر !!!
(( لا أطالع التلفزيون ,,, أيه أذاكر ))

# تسبح بالمسبح يجي واحد من اهلك يمر عليك ويقول : فلان تسبح !!!
(( لا اتصيد سمك ... اللي يسمعك ما تشوف أيه قاعد أسبح ))

ولا تعالــو شوفو قنواتنا( طفش الاولى) واسئلتهم البديهيه البايخه ..,,

# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))

# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعباره أجل وش تبونه يقول بهالمناسبه احسن الله عزاكم ))

والأسخف من هالبديهيات اللي تضيع وقتنا اذا قابلو مع البزوره ,,,

يقول المذيع للبزر : أنت تحب ماما وبابا !!!
(( أيه يحبهم أجل تبي يقول لا ))

المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!
(( لا أبروح أكفخهم وأسوي هوشه ,,, أكيد أبعايدهم ))

أنت الحين تقرأ الرساااالة ؟؟؟؟؟

لا أخيط نعالي يعني وش أسوي الحين