البارحه عن لذيذ النوم ســـــــراني

البارحه عن لذيذ النوم ســـــــراني ... همن وطى القلب يقبل به ويقفي بــه

البارحه ما رقدت الليل ســــهراني ... في راس رجمن هبوب العود توميبه

من دون ربعي ظلام االليل بــكاني ... في سوق جيزان ابيع الهم واشريبــه

جيزان جيته ولا كني بشيبانــــــي ... قلبي على عزوتي كثرة هنا ديبـــــه

جيزان جيته وانا مانيب جيزانـــي ... والله ما احبه لكن الله بلا ني بـــــــــه

والله لولا كــلام فــــــلان والثانــي ... لقول شين جميع الناس تدريبــــــــــه

هذي حيا تن لها ما نيب عشقانــي ... ياشيب عيني ومنها القلب يا شيبــــه

البوم فيها سوات الذيب سرحانـــي ... البوم فيها يصيد الصيد ويجيبـــــــــه

والله لولا شراب التتن داوانـــــــــي.... لنسا صلاتي وقول الله لغنيبــــــــــه

من حب ربعي بغني زين الالحانـي ... يازين صوتن حمام الورق يسريبــه

والله لولا ولد سلطان سلانـــــــــــي ... اني لفسخ جديد اللبس وارميبـــــــه

المرشدي يوم اجيه اقوم نشطانـــــي... واحب خشمه ولي تكثر تراحيبـــــه

المرشدي يوم اجيه الطيب نيشانـي ... والطيب قبلي ولد سلطان يمشيبـــــه

وابو طلال الذي لطيب ودانـــــــــي... الاسعدي في طريق الطيب يا طيبـه

يلي جهلتوه فعله بالوفا جانـــــــــــي... يا نعم والله ببو طلال يا عنيبــــــــــه

ياليت ابو يه على اسم الشيخ سمانــي...يا زين عقله ويا محلا تعاجيبـــــــــه

جيته وشفته وعقل الرجل كفانــــــي ...والناس يمكن لها ميزان في جيبـــــه

الناس فيهم سوات ابليس شيطانـــــي...ثعلب نميمه وزارع الهرج يا غيبـــــه

ابن المويشير له بالمجد برهانـــــــي ... الرجل الاول وعقل الرجل ترتيبــــه

من طيب راسه جزا السيئه بلحساني ...اله السعد يا هبوب الغرب هبيبـــــــه

والله لا اخاويه مثل ابوي واخوانـي ... شيخي ملكني بطيبه ويش اسو يبــــه

وبحمد الله عزيز وعالين شانــــــي ... واللي سواتي يبي ياخذ مطاليبـــــــــه

يا جاهلني ترا جدي حليفــــــــا نــي ... دوخي مع القوم يا مقواء مضاريبـه

البارحه عن لذيذ النوم ســــــــراني ... همن وطا القلب يقبل به ويقـفـيـبـــــه

وسلامتكم

شكرا حلوه ياااااااااااشاعر

شكراً

على المرور الرائع

ماشاء الله عليك اخي كنت اظن انه اليكس هو شاعر المنتدى بس طلع السعودي ايضا شاعر تسلم اخي شعرك رائع مشكور