بعض اللقافة والكلمات اللي ترفع الضغط

بنـــ كيـوووت ـــوته الجمعة أغسطس 13, 2010 5:03 am

بعض اللقافة والكلمات اللي ترفع الضغط

وودك تتوطى في بطن اللي قالها

مثــلا :-

أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .

يجي أحد ويفتح الباب عليك ويقول :- بتنام ! ! !
(( لا أبرقص ,, أكيد أبنام ))

أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- " جيتــوا العزيمـه "
(( لا رحنـــا ,, أكيد جينا وأنت وش تشوف ))

أنت لابس ثوبك وكاشخ بالشماغ وماشي بالبيت متجه لباب : الشارع ,,
يجي أحد من أهلك وينادي بصوت عالي >>> بتطلع ! ! !
(( أبدخل ,, أيه أبطلع ))

أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))

مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , أكيد أبكلم ))

مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , أيه أذاكر ))

أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !
(( لا اتعشى . . . اللي يسمعك ما تشوف أيه قاعد أسبح ))

مثلا معك ملابسك بتروش يجي احد يقولك بتروش!!!
(( لا بلعب ....... وش رايك ايه بتروش ))

ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل ))
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( أكيد يبي يقولهم هالعباره , أجل وش تبونه يقول بهالمناسبه ))

والأسخف من هالبديهيات اللي تضيع وقتنا إذا قابلو مع الاطفال , , ,
يقول المذيع للطفل :- أنت تحب ماما وبابا ! ! !
(( أيه يحبهم أجل تبي يقول لا ))

المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا أبروح أكفخهم وأسوي هوشه , , , أكيد أبعايدهم ))

واحد شاايل شنطته ومتجه عند بوابه المطار ويشووفه خويه بالصدفه هلا والله اعلومك
اخبارك وش تسووي في المطار
(( والله جاي العب كورة....... اكيد اني بسافر ))

وأنت هل عندك سؤال يسأله لك أحد ويرفع ضغطك!

ههههههههههههههههههههه
لا وزيدك من الشعر بيت انتي تكلمين بالتلفون يجيك أخوك ويقول :انتي تكلمين؟
صدق لقافة

بنـــ كيـوووت ـــوته الجمعة أغسطس 13, 2010 5:15 am

يسلمو عـ المروور

яńøč الجمعة أغسطس 13, 2010 10:02 am

والله انا أسوي بأختي نفس الطريقه Laughing

بنـــ كيـوووت ـــوته الجمعة أغسطس 13, 2010 10:04 am

والله انك ملللقووووووووووفة عطر

يسلمــو ع المرور

الجـنرال الجمعة أغسطس 13, 2010 10:13 am

عسل عسل ذوووق كلك ذوق بنوته كيوت

تسلمين على الموضوع الحلو

ازيدكم

ـــــــــــــــــــــــــــــــــــــــــــــــــــــ

قاعد تلعب بلاستيشن ويجيك واحد ويتكي معك ويشوفك مهزوم يقولك مهزوم ؟؟؟ لا والله متعادل

او يقولك كم النتيجه شف قدامك لازم تخرب الجو

ـــــــــــــــــــــــــــــــــــــــــ

ولا انت قاعد تكلم باجوال اهلك ويجيك واحد يقول من ذولا ؟؟؟ confused

هههههههههههههههههههه

*ميسان طبعي الحنان* الجمعة أغسطس 13, 2010 10:16 am

يسلموا الايادي

بنـــ كيـوووت ـــوته الجمعة أغسطس 13, 2010 10:18 am

ولوووووووووووووو العفو جني

يسلمــو عــ المرووووور ::

**Noura ~** الجمعة أغسطس 13, 2010 8:52 pm

ههههههههههه بجــــــد عبـــــــط خخخ يسلمــــــووو...

بنـــ كيـوووت ـــوته السبت أغسطس 14, 2010 6:56 am

يسلمــو ع المرور

طيب انا ازيدكم

جايه عـ المدرسة وقاصــه شعرك تجي صديقتك هاا قاصه شعرك << لا حاالقته يعني اش تشوف

داخله البيت ومعك أغرااض من السوق يجي احد هاا جايه من السوق << لا جاايه من المدرسه

بعض اللقافة والكلمات اللي ترفع الضغط

بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط

رد: بعض اللقافة والكلمات اللي ترفع الضغط