يابحـــــــــــــــــــــــر

يا بحر

يابحر فيني من الحزن كثر مافيك
........ من حزن وأوجاع وغيـاب وغرايب

لا تلومني إليا شفتني دايم أجيك
........ ولا شفتني دايم على الشـط ذايب

حزني كبير أكبر من حدود شاطيك
........ وأقسى من جروح الزمان العطايب

وإن كان تنشدني فأنا مقدر أخفيك
........ دايم أظـن ويطلع الظـن خايـب

في هالزمن أقرب حبايبك يشقيك
........ إلين تدفـع في غـلاه الضـرايب

من بعد هذا يبتعد عنـك ويجفيك
........ ماكنه بجنبك قضى الوقـت طايب

وإلا الخـوي اللي توقعت يفـديك
........ يفديك عمره لا غدت بـك نشايب

صد وتصدد مايبي سمـع طـاريك
........ ويامـا إنت دونه أتعبتك الطلايب

لا تقول لي بدري وتوك ويمـديك
........ وتعال وأسمع باقي الهـرج صايب

خلك بحالك وأطلب الرب يهديك
........ ولاتنشد اللي غاب وين إنت غايب

وإن شفتني غايب عن حدود شاطيك
........ أعرف تراني تحت ذيك النصايب

وأعرف تراني دايم إن ضقت بآجيك
........ لأني أنا والمـوج صرنـا حبايـب

العفــــــــــــــــــــــو
اشكرك منوره متصفحتــــــــــي