حاجز الصمت

صادقة في زمن كذاب.. كتب:حاجز كيف وهي أعز صديقاتي؟؟

هي أول صديقة لي مذ دخلت لهذه الحياة

تخيل عشرة سنوات

ليست سنة أو سنتين

أنا نفسي صار لي صدمة نفسية من الأحداث هذي اللي بتحصل معي

بعدين يا حاجز مو بس من صديقتي هذي حتى من صحباتي الثانيات

قدامي بوجه ومن وراي بوجه ثاني

لكن لاني وحيدة اصبر عليهم

في البيت امي ما اقدر اكلمها واصارحها بكل مافي داخلي

لانها ما تصدقني ولا تثق فيني واحيانا تسكتني قبل لا اكمل كلامي وكمان كل اهتماماتها باخواني الصغار وبشغلها بالبيت وبعملها في المدرسة

كيف اتحاور معاها بالله خبرني

واخواني كلهم اصغر مني واكبرهم طالع لرابع ابتدائي

وابوي ما اشوفه الا لما يوصلني للمدرسة

وكمان ابوي ما عمري اكلمه ولا بيني وبينه صلة كبيرة مع اني احبه اكثر من امي

لكن مقدر افصح له عن اللي في داخلي

لانه يلومني على ضعفي وعلى دموعي الجاهزة اربع وعشرين ساعة

وصديقاتي كلهم ما اثق فيهم لانهم بالاساس كله مصلحة او يكون اعجاب

فكيف اتفاهم مع ناس مثل ذي

جيت ابي اشتكي لكم لكن مو كل الوقت اللاب توب بيدي ولا حتى ممكن اجلس على المحمول طول الوقت لان وراي اكثر من شغلة

يعني يا حاجز وضعي مو بيدي

حاجز لاول مرة بحياتي افصح بهالشيء لاحد

واتمنى تفهمني انا ما صرت طايقة اكلم احد واظن ان هذا واضح لاني اكلمك بس كلمات اكتبها مو حديث اتكلم وصوتي طلع

تصدق حتى صوتي من زمان ما سمعته

ماعندي لغة غير الصمت والسكوت

يعني خلاص يا حاجز النفس طابت خلااااص مابي اتعرف على احد خلاص انا تعرفت على ناس منكم وهم بس اللي باثق فيهم

وانت منهم بس لاتفهمني غلط

ابي بس تفهمون وضعي

مقدر ادخل وبس