لو ماني ذيب نهشت عضامي ذياب ..............

ســـــايـا... ✿ الأربعاء مارس 30, 2011 6:06 pm

لو ماني بذيب نـهشت عظمي ذياب .. لو ماعرفت أثبت وجودي لغوني

يا كثر ما رافقت خلان واحباب

ويا كثر ما في شدتي هــملوني

على كثر ما أعدهم ستر وحجاب
على كثر ما احتجتهم واتركوني

من صارت الخوه ثمن حفنة تراب
نفس الوجيه اللي نصوني .. نسوني

من غير ذكر فروق ، وعروق ، وأنساب
كانوا ثلاثة ... والثلاثة جفــوني

علمتهم وشلون الأهداف تنصاب
ولما سواعدهم قوت .. صوبونـي

عشاني أصغرهم عمر صاروا أحزاب
عشاني اصدقهم قصيد ظلمونـي

اللي نجاح اسمي زرع فيهم أنياب
حتى النصيحة ما بغوا ينصحـوني

دام العطايا عندهم دين وأتعاب
والله لـو أطلب ذنبهم ما عطوني

طالب نصيحة .. كني طالب أرقاب
وهي نصيحة !؟ كيف لو زوجوني !!؟

كنت أكتب لنفسي مشاريه وعتاب
ولا أدري إن اللي قروني .. قروني

تضاربت من دوني عقول وألباب
واجد بغوا غيري .. وواجد بغوني

أقفل هدب .. تسهر على شعري أهداب
كني حبست رقادهم في جـفوني

لو شفتهم واحد .. يشوفوني أسراب
من وين مالدوا نظـرهم لقونـي

أثر وجودي بينهم محرق أعصاب
ومزعل بعضهم من بعض لو طروني

يا كبري بعـيني وأنا توني شاب
وأهم كتاب الشعـر حـاربـوني

حتى ولو يهوي على نجمي شهاب
يكفيني إن إسـمي كبـير بعيوني

قد قالها ابوي : ان هبتهم قول ما هاب
لو يقدرونك قول مـا تـقدروني

مادام قبـري محتضن راس مرقاب
على كثر مـا تقـدرون ادفـنوني

لو ماني بذيب نـهشت عظمي .. ذياب
لو ما عرفت اثبت وجودي لغوني

لو ما سكنت وجيهـهم مت بغياب
لو ما قدرت أمحي ورقهم محوني

أصبحت الأصعب لأنهم كانوا صعاب
جنـنتهم مـثـل مـا جننـوني

ماجيت أبدبل كبدهم شعر وخطاب
لين أدبلوا كبد الـذي خـلفوني

يا ويل وجهي كن للدمع مخلاب
ما جف ماه ولا استحى من طعوني

كل ما طرالي منظر مريب وأرتاب
كان الوحيد اللـي يـحرك شجوني

قبلة صلاة ، وذكر ، وخشوع ، وكتاب
وأمي على ســجادة النور دوني

تدعي لي الله يفتح بوجهي أبواب
تتوسله بالشــده يكـون عوني

من كثر ما خفاقها بالدعاء ذاب
صارت تحس إن زملاي كرهوني

بشرتها : يمه معي ربع وأصحاب
مـاني لـحالي واجـد اللي يبوني

من يوم ما حاز قلمي كل الالقاب
قلطتهـم في دفـتري واحفظوني

الله وهبنيهم بني عـم وأجناب
من يوم جيت اعجبتهم واعجبوني

واعجابهم فيني ما هو أية اعجاب
باسلوبي ، بشرحي ، بطرحي ، بلوني

لوقلت عن نفسي "بشر" .. صرت كذاب
لو قلت : "دمي من ذهب" صدقوني

لو بكيفهم كان ازرعوا دربي أعشاب
لـوبـيدهم يـتشبهون اشبهوني

من كثر ما صاروا من طبوعي اقراب
حـتى بلـبسة شـمغهم قلدوني

واجد دعوني واغلقوا دوني الباب
واكثار نـاس أبكي لهم ما بكوني

لوطالوا لهدمي مناسيب وأطناب
كان وربي من زمان هدموني

مدام حطوا فيني عيوب وأسباب
جنبت عـنهـم مـثل ماجـنبوني

أصلا لو أن بخوّتي شي ينعاب
ذبحت نـفسـي قبـل لايذبحـوني

أنا يدي لو ماكست متني ثياب
نذر علـى لأقـطع يـدي من متوني

مهوب عيب أجي مدعو ولا أشوف ترحاب
العيب لـو إني رجعـت إن دعـوني

مادمت أجي ولا يحسبون لى حساب
حرمــت أروح اذا يـبوني يجوني

================

تحياتي لكم ..

وللشاعر :- الكبير حامد زيد

في حاجه حسستني في كلماتها ومعانيها وطرحها
عالعموم تسلمييين ع النقل

>>رقة وردة<< الخميس مارس 31, 2011 3:30 am

مشكورة ريمو عالكلمات الرائعة وذوقك الاروع
تسلمين يا عسل

ســـــايـا... ✿ الخميس مارس 31, 2011 3:59 pm

ايلينا كتب:في حاجه حسستني في كلماتها ومعانيها وطرحها
عالعموم تسلمييين ع النقل

وش حسسك قوليلي ريووم
مشكوووووور تسلمين على المرور

ســـــايـا... ✿ الخميس مارس 31, 2011 4:00 pm

..~~رقة وردة~~.. كتب:مشكورة ريمو عالكلمات الرائعة وذوقك الاروع
تسلمين يا عسل

مشكووووووووووووووورة رقروقتي نورتي

ألــيــــــكــــس... الخميس مارس 31, 2011 4:04 pm

قصيده قويه وجميله
واختيار موفق..
تسلمين

ســـــايـا... ✿ الخميس مارس 31, 2011 4:16 pm

الله يسلمك مشكوووور

لو ماني ذيب نهشت عضامي ذياب ..............

لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............

رد: لو ماني ذيب نهشت عضامي ذياب ..............