الـفـراقـــــ

السلام عليكم ورحمة الله وبركاته

آسف أنا في جيتي لـك تسرعـت /// ظنيت ألاقي فيـك شـيٍ فقدتـه

كنت أحسبك مجروح مثلي تولعـت /// جربت فرقى شخص قلبـك وهبتـه

كنت أحسبك من مر جرحك تجرعت /// حبيت فيك إحساس طفـلٍ لمحتـه

لوقلت آآآه بوسط روحي توجعـت /// ولو شفت دمعاتك شعوري سكبتـه

ولو تطلب عيوني ابد ما تمنعـت /// وأعطيك قلبي لو بعد مـا طلبتـه

وصلت بك..... اعلى مكان وتربعت /// وفي قلب غيري ياالغضي ماوصلته

واصبر على صدك وأشوفك تدلعـت /// وأعطيك ود ومـا أظنك حسبتـه

أذهلتني بطباعك اللـي ...تطبعـت /// حتى قصيدي فيك ابد مـا فهمتـه

لو كان غاياتك حروفي فانا بعـت /// وافرح بجرح الشاعر اللي جرحتـه

وأرجوك من صدك تراني تشبعـت /// خلك مع اللي عاجبـك أو عجبتـه

يكفي قهر في جيتي لك تواضعـت /// تركت غيرك لجـل عينـك وبعتـه

ياليتني عـن حـب مثلك..ترفعـت /// ياليت قلبي قبـل أعرفك دفنتـه

لكن اب ابعد دامني بـك توهقـت /// الله يرحـم حبنـا اللـي ذبحـتـه

انا شريت الود والحين انـا بعـت /// وانا عطيتك قلبـي اللـي قهرتـه

في يوم جيتك أطلبك ود وأقنعت /// نفسي بأنك شخص عادي عرفته

كمل حياتك مثل مـا انـا توقعـت /// تبقى أسير الماضي الـلي فرضتـه

ولا يحزنك أني غلطان وتراجعـت /// حولك بدالي ألف شخـصٍ عجبتـه

اما انا لا يمكن اخضـع ولا طعـت / // يحرم علي أعطيك قلـبٍ خذلتـه

باريّحك من شوفتي يـوم قاطعـت /// أسلوبك اللي بـه تجامـل كرهتـه

غلطان يا المقفي انا مـا تتبعـت /// غيري يتابع خطوتـي مـا تبعتـه

ما ينحني راسي لو انـي تقطعـت /// وما هو بنا من لا رميتـه لقطتـه

وان كان غرك حكي عذالي وطعـت /// الله يعلـم كيـف قلبـي سكنـتـه

اللي ملا قلبـك علـي وتسمعـت /// خله يعوض شخص مثلي خسرتـه

انـا بمـا فيـة الكفايـة تولعـت /// واللي بقى من قلب فينـي حرقتـه

وان شفتني صدفة بعينك تطلعـت /// ذكرتني با نسـان غالـي فقدتـه

بأول لقا سلمته إحساسي وضعـت /// غلطت حياتي يـوم قلبـي سلبتـه

واستسمحك ف البعد كاني تراجعت /// ما عاد ابلقـى فيـك شـي فقدتـه

طبعك مثل غيرك وطبعي كما كنـت /// احب شخـص ولا تركته...تركتـه