نكــــــــــــت .... نــــــــكــــــت ... وكمــــــــان نكـــــــــت

مسطول ماشى فى الشارع لقى عمود نور مكتوب عليه شقه للاجار قعد يخبط على العمود لحد ما جاله مسطول تانى قال له انت بتعمل ايه هنا قال له اصلى لقيت مكتوب شقه للايجار قمت قعدت اخبط بس محدش رد عليه ....قام التانى قال له غريبه مع ان الجماعه منورين النور فوق....

فرختين ماشيين الاولى معلقه بيضه فى رقبتها فالتانيه بتسألها ايه البيضه دى؟؟؟؟؟ قالت دى صورتى و انا صغيرة...

مره واحده ست بتقول لجارتها ..الحقينى يا ام محمد بعت جوزى يجبلى ملوخيه راح مخبوط باتوبيس ...يالهوى و عملتى ايه ...عملت باميه و امرى لله...

سئلوا صعيدى :ليه جتلت ابوك؟
الصعيدى:كانوا عاملين رحله للايتام كنت عايز اروحها
المحققين: طب ليه جتلت عمك؟
الصعيدى: كنت عايز ابن عمى يسافر معايا
المحققين: طب ليه كنت عايز تنتحر؟
الصعيدى: اصلهم لغوا الرحله..........

بخيل واقف فى البلاكونه ابنه جاى من بعيد بيقول ..بابا بابا بابا ........قال له يا غبى بابا واحدة كفايه........

ثلاثه اندال اتفقوا يشوفوامين اكتر ندل فيهم
الاول شاف راجل عجوزعايز يعدى الشارع مسك ايده و سابه فى نص الشارع
التانى عداه و ضربه
التالت ضحك و قال انا اكتر ندل فيكم الراجل ده يبقى ابويه........

مرة واحد قال لخطيبته لما ازمرلك انزليلى قالتله ليه هو انت جبت عربية قالها لا جبت زمارة

مره ولد صغير ركب تاكسى و والده قاله متتكلمش مع السواق كل شوية السواق يحاول
يفتح معاه كلام و الولد مبيردش فحاول يخليه يتكلم فبيقوله نفسك تطلع ايه لما تكبر والولد قاله مهندس زى بابا قاله طب لو بابا مهندس و ماما دكتوره الولد قاله ابقى مهندس طبيب فقاله لو بابا وماما دكاتره الولد قاله اطلع دكتور فقاله طب لو بابا طبال و ماما رقاصه فالولد قاله اطلع سواق تاكسى

كان فى طيارة فيها اربعة واحد امريكى وواحد ايطالى وواحد المانى وواحد صعيدى الطيار قال لازم
تلاتة ينطوا من الطيارة احسن تقع جه الامريكى قال احنا بتوع الشجاعة وراح ناطط وجه الالمانى قال احنا بتوع الكراتيه وراح ناطط وجه الصعيدى قال احنا بتوع الغلاسة وراح زاقق اللى جنبه

في ندل مر علي المقبرة شغل الكاسيت وحط فيه اغنية الحياة حلوة

استاذ سأل تلميذ ؟؟ الثعلب بيولد ولا بيبيض قاله ده مكار اتوقع منه اي حاجه

مرة واحد صعيدى كان عاوز يشتغل فسافر وأول ما وصل خبطته عربية فأخد تعويض 50ألف يورو فاستحلى الموضوع فبقى كل ما يقابل عربية يقع تحتها وياخد تعويض وبقى غنى ورجع بلده فسأله واحد بلدياته انت اشتغلت ايه فحكاله فسافر بلدياته ووقف قدام القطر وقال خش عليه يا ابو الملايين

مرة واحد بخيل بيسالوه لو انت بردان تعمل ايه قال اقرب من الدفايه ولو سقعت اكتر قالاقرب اكتر ولو سقعت اكتر واكتر قال اقرب اكتر وكتر ولو سقعت اكتر واكتر واكتر قال اشغل الدفاية

واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا، بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت

واحد غبى شاف قشرة موزه على الأرض فقال يييه هاتزحلق تانى

مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!

مرة فار فشار شاف جثة اسد قعد يجر فيها لغاية ما وصلها الغابة المهم الحيوانات كلها قعدت تهتف وتقول عاش الفار راح الفار رفس الاسد برجله وهو بيقول انا لما اتعصب ما برحمش

مره واحد صعيدى وواحد المانى وواحدانجليزى دخلوا مسابقه فى اكل الجبنه فالانجليزى دخل واكل قطعة جبنه وفقد وعيه والالمانى دخل واكل قطعه وفقد وعيه والصعيدى دخل واكل ثلاثه كيلو وقام الشيطان طالع له وقال له ياعم سمى نحرت قلبى