يا احبك ... يا اموت ( *_*)

السلام عليكم ورحمة الله وبركاته
هذه الكلمات المعبره شفتها في احد المنتديات واعجبتني .. قلت
انقلها الى احباب قلبي اعضاء منتدي كنترول سبيس تون


واتمنى انها تنال اعجابكم..





والله .. وبديت حبي لك باسم الله .. واللي خلقني أحبك .. أنت قلبي .. يعني روحي .. بإختصار أنت حياتي .. لامنك زعلت تلقاني بإندفاع أتأسف ..، أطلب رضاك .. وأقولك سامحني .. تسامحني .. تلقاني أبادر ب أحبك قبل إبتسامي


تزعل أحبك .. ترضى أحبك .. تحبني أحبك .. يعني مهما صار مهما حصل أحبك وأحبك .. أحب قلبك .. أحب روحك .، أحب فكرك وطبعك واسلوبك .. يعني أحب كل شي فيك .، وكل شي فيني يحبك .. وأحبك بكل ما فيني .، وكل ما فيني يحبك .. أهديت لك عمري .، وأرخصت لك قلبي وقلت فدوه هالأمرين .. خليتك تمتلك حياتي .. وسلمتك فكري وتفكيري .. تدري ليه ؟

لأن العمر معاك كما العمرين .. وقلبي فيك مثل قلبين .. وروحي تصبح معاك روحين .. يعني حياتي معاك حياتين .. بإختصار .، أنت تصير اثنين .. أنت أنت وأنت أنا .. يعني أنت مثل ما أنت وأنت تملكني .. إفهمني وتذكرني .. لأني حبيتك وأحبك وبتم أحبك مهما صار مهما حصل أحبك وأحبك
لا تحسب إنك إذا زعلت ما أزعل .. لا والله أزعل الزعل زعلين .. ما يهل من عيني دمع ؟؟ أنا ما أدمع !! بس أنزف دم ودمين .، كأني إنجرحت بعيوني جرحين .. الجرح الأول يبكيني دمع .. والجرح اللي بعده لأجله يصب الدم دمين .. وتخيل الدمع وبعده دم ..ومن عيوني الثنتين .. وتصور حالي من الصوبين .، لا تحسب إنك إذا تضايقت ما أتضايق ..، لا والله أتضايق الضيق بضيقين .. وضيقك من كثر ما يبكيني ويحرقني .. من زود الألم كأني أدعي من ضايقك يفرجها عنك ويقبرني .. في سبيلك أرخص لك الغالي لأنك أغلى من الغلا كله .، لأجلك أقلب التراب ذهب ومن يلبس الذهب غيرك أبيده ..، واللي تامرني أسويه لأني كلي لك .. لا حشى ما تكسرني .. بس أموت فيك .، لا حشى ما أموت عليك .. بس أبيك .، لا حشى أصلا من قال هالكلام ؟.، تكسرني وأموت فيك .، أموت عليك وأبيك


لأجلك أسوي اللي ما يطري على بالك .. مثل ما أنا ما أطري على بالك .. تخيل أشرب من البحر .. أو حتى أطير للقمر .. بإيجاز لأجلك أقلب العيد عزا .. وأقلب العزا عيدين .، ياخي إفهمني أحبك .. تدري وش أقدر أسوي بعد ؟! بإمكاني أحبك .. وأنت ماتدري .. يعني أحبك بسكات .. أحبك بسكات يعني .. أحبك بصمت .، يعني أكبت وما أعبر
يعني ما أتكلم .. يعني ما أقولك .. يعني ما تدري عني .، زبدة الكلام أخليك تفارقني وأنا أحبك .. أشوفك تروح عني .، وأسكت وأخلي الآه تصرخ آه .. عيوني من الدمع والدم تصبح جمر رمى رماده على جفوني .. تشوفني وتسألني .. شفيك ؟ أقول الجو متغير! أصبح شتا .، والشتا ليله طويل .. وقمت أسهر .، ومن كثر ما أسهر .، أتعبني السهر .. يعني أدخلك في متاهات ولا تعرف ما فيني .. يطلع صمتي من سكوته .. ويسألك .، إلا أنت شلونك ؟! تجاوبني .. الحمدلله بخير و متهني .. تشوفني أدمع والآه بتطلع .. تقول شفيك ؟



أهمل حزني وما فيني .. وأقول لأ هذي بس دموع الفرح .. الحمدلله إنك لقيت اللي يسعدك وبالتالي تسعده .. عسى الله يهنيكم وينور دروبكم .. تقول مشكور وتروح .، ومن تروح أنا روحي تروح .. تحسب روحي تروح يعني أموت ؟ لا ما أموت ولو أن الموت أهون .، روحي تروح معاك .. يعني تتبعك تروح معاك .. وتخليني جسد بلا روح
أنادي آه بآه .، يا روح .. يا روح .. وترد علي روحي .. ياخي روح .. أنا بدونها معاك ماني بروح .. أنا كنت روح أحيا بوجود هالروح .. بس أنت الحين ما لك معنى بالوجود .. وحتى الآه اللي تقول آه بدت تنزف دم .. وحاولت أناظر للسما .. لقيت الأرض تسحبني .. حاولت أناظر فوق وأتخيل وأتأمل .. لقيت الأرض تأشر بعلامة الواقع



يعني .. خلاص إنتهى أمري !! .، ويسحبني الواقع في متاهاتي .. أطيح على الأرض تلتفت بكل عفوية وتشوفني .. طريح الأرض مغشي صريع غرقان بدمي متبلل بدموعي .. تحاول (تسعفني) ما تقدر .. تسألني شفيك ؟ أقول لا ما فيني .. بس أبي أنام .. تقول ودموعك ؟ أقول الجو هاليومين غبار .. تقول ودمك ؟ أقول لا هذا مو دمي هذا دم إنسان غدار .. تقولي شفيك ؟ أقولك صدقني ما فيني .. تقولي أروح ؟ أقول روح بس لا تروح .. تسألني وش تقصد ؟ .. فجأة أحس بجمر عيوني يبرد .. والرماد اللي على عيوني طار .. تمد إيديك لعيوني تحاول تغفيني .. أبي أصرخ أحبك وأنا الحين أموت بس ما أقدر ما فيني .. وكل هذا بس لأجل ما تعرف اللي فيني .. أرد أصحى من حلمي وأقول بأعلى صوت .. لا والله ما تروح .. وأصرخ أحبك .. قبل ما تخنقني آه الصمت والسكوت .، يعني تخيل اللي ما يطري على بالك .. مثل ما أنا ما أطري على بالك



المشكلة إنك إن زعلت تزعل .. بس مو مثلي لأني أزعل اللي تزعله زعلين .. وأشيل همك .. ما أشيل هم .. أشيل همين .. الأول إني أحبك وما أقدر أزعلك .. والثاني زعلتك وأنا أحبك .، بس الأكيد إني أحبك وما أقدر أزعلك .. كل مطلبي منك سلامتك .. ورضاك .. وحبك .. يعني أبيك كلك على بعضك أبيك .. وأحبك كلك على بعضك أحبك .. بس مع ذلك راح أطلبك .. إن رضيت إبتسم .. وإن زعلت صارحني .. وتذكرني لما أقولك .. يالقلب الكبير .. وأنا أدري قلبك أكبر من كبير
.. يالحب .. يالروح .. يالحياة .. يالعمر يالقلب
.. وفوق كل هذا أحبك وأحبك .. وحبيتك وأحبك وبتم أحبك مهما صار مهما حصل أحبك وأحبك ..
حبي لك .. ما تكفيه كلمة وكلمتين .. حبي لك أكبر من تتصوره .. حبك فوق ما تتخيله.. حبك ماهو واقع ولا خيال ولا يحزنون.. حبك مو موجود بس هو موجود .. تدري وين موجود؟ بقلب اللي يحبك ويطلب رضاك .. بقلب اللي يصيبه غرور بلقياك .. يحس أنه ملك هالعالم .. كله من يمينه لي يسراه
بقلب اللي يحبك بجنون .. وياما كرر أن الحب حالة سكون .. بقلب اللي حبك خلاه يطير من أرضه لي سماه .،
.. بإختصار لكل كلامي
أنا من دونك مالي وجود .. يعني أنا من دونك ما أقدر أعيش .. يعني يا أحبك يا أموت ..،


مع حبي

وين الردود

واووووووووووووووووووووووووووووووووووووووو
كلام اروع من رائع تسلمين بل حبي

قاهرة الاحزان كتب:واووووووووووووووووووووووووووووووووووووووو
كلام اروع من رائع تسلمين بل حبي

مرورك الاروع الله يسلمك وميرسي على المرور نورتي الموضوع قلبوو

النور نورك ولو حبي

تسلمين على النقل والكلمات الجميلة شكرا لكي

قاهرة الاحزان كتب:النور نورك ولو حبي

نوري جزء من نورك يالغلا

صدى كتب:تسلمين على النقل والكلمات الجميلة شكرا لكي

الله يسلمك ,,العفوو قلبوو نورتي الموضوع وصاحبته يسلمووو

ولو بس ما احبك تموتي هههههههههههههههههههههههههههه كيفك اختي